11- годишното девојче од Кочани, кое деновиве се откри дека е бремено е згрижено од институциите. Тоа е сместено во мал групен дом. 

Случајот ја разбранува јавноста, откако деновиве беше обелоденето дека девојчето кое е на возраст од 11 години и сместено во Центарот за социјална работа во Берово, е бремено во шестиот месец.

Девојчето живеело со мајка си, која не забележала дека ќерка ѝ е бремена. Тоа го забележале вработени во училиштето што го посетувала малолетничката, по што таа била однесена на гинеколошки преглед.

Пред две и пол недели кочанската полиција го задржала деветнаесетгодишниот Е.А. поради постоење сомнеж дека извршил полов напад врз дете кое не наполнило четиринаесет години.