Опозицијата со нови обвинувања кон власта. Овој пат на тапет се најдоа судството и судијката Кацарска.

Преку соопштение до медиумите од ВМРО ДПМНЕ денес соопштуваат дека Македонија е заробена држава.

„Заробена од заевизмот, систем на владеење кој ја укина правната држава и владеењето на правото во Македонија. Мафијашкото владеење на Зоран Заев и неговиот клан се базира врз политичкиот прогон на сите кои мислат поинаку. Оние кои први го кренаа гласот против оваа одродена и криминална власт, станаа првите жртви на нејзиното владеење“, соопштуваат од опозицијата.

Од ВМРО ДПМНЕ и потенцираат дека Кацарска судството и обвинителството се симболи на заевизмот.

Тие најавуваат дека правната држава ќе се врати во моментот кога Зоран Заев ќе стане минато на македонската политичка сцена.