Според податоците на ДИК на избирачкото место 0396/1 во Гостивар каде гласањето е поништено се открива дека има регистрирано 892 гласачи што може да доведе до прегласување бидејќи со овој обем на гласачи може да се изврши влијание врз вкупниот број на мандати.

Во изборното место во ИЕ 6 има 892 гласачи запишани во избирачкиот список. На гласање излегле 450 од нив. Неважечки ливчиња имало 21 на број. Од нив 74 гласале за ВМРО ДПМНЕ, 102 за СДСМ, додека 107 за ДУИ, 48 за БЕСА, 68 за Алијансата за Албанците, како и 24 за ДПА, а 6 гласа отишле во рацете на ПДП.

Разликата пак во целата шеста изборна единица меѓу ВМРО ДПМНЕ и СДСМ изнесува 307 гласови. Разликата пак меѓу ДУИ и БЕСА е 15 545 гласови. Во шестата изборна единица, најмногу мандати 6 освои ДУИ, потоа 4 ВМРО-ДПМНЕ, а по три СДСМ и БЕСА, ДПА и Алијансата за Албанците поделија по две пратенички места.