На поранешниот генерален секретар на Владата, Драги Рашковски ќе му се суди за набавката на софтверот. 

Кривичниот суд денеска објави дека обвинителниот акт против него и уште шест лица за нелегалната набавка на софтвер и перење пари поднесен од Основното јавно обвинителство за гонење организиран криминал и корупција на 8 октомври е оценет и одобрен во целост. 

Против  Рашковски е покренато обвинение за злоупотреба на службена положба и овластување и перење пари додека пак останатите се обвинети за „злоупотреба на службена положба и овластување“.

Рашковски е обвинет за набавка на софтвер за сообраќајни прекршоци преку фирмата „Инвока груп“ кој што Министерството за внатрешни работи со месеци не го користело, како и за оштетување на буџетот за 100 илјади евра со незаконско спроведување на јавна набавка.