Министерството за животна средина и просторно планирање ја информира јавноста дека нема никакво истекување на линданот во ОХИС, а истовремено континуирано го спроведува процесот на чистење на линданот во ОХИС.

МЖСПП континуирано работи на решавање на еден од најголемите еколошки предизвици во земјата, чистењето на линданот во поранешниот индустриски комплекс ОХИС.

Велат дека во средата, на 22 октомври 2025 година, во вечерните часови, беше спроведен вонреден инспекциски надзор, при што е утврдено дека нема апсолутно никакво истекување на линдан или какви било други нарушувања на безбедноста во локацијата на ОХИС.

Министерството веќе неколку години активно работи на чистење на малиот линдански лот. Паралелно се работи на изнаоѓање на најсоодветни и одржливи решенија за отпочнување на чистењето и на големиот лот, кој претставува следна приоритетна фаза во процесот.