Министерството за животна средина објави дека во изминатите часа мерењата во зоната на Трубарево, каде што гореше склад со електричен отпад, нивото на концентрација ПМ10 честички е во дозволените рамки.

Резултати од мерењата:

• Просечна концентрација: 10.9 µg/m³
• Максимална измерена вредност: 25.6 µg/m³
• Моментална вредност: 16.5 µg/m³

„Според добиените резултати, просечните концентрации на PM₁₀ честички се во рамките на дозволените граници и не е евидентирано надминување на граничните вредности.

Концентрациите се движат во рамките на 24-часовната гранична вредност за заштита на здравјето на луѓето, согласно Уредбата за гранични вредности за загадувачки супстанции во амбиентниот воздух („Службен весник на РМ“, бр. 183/17).

Министерството ќе продолжи со редовно информирање на јавноста и следење на состојбата со квалитетот на воздухот“,информира министерството.