Двајца осомничени дилери на дрога од Ресен се обиделе да пренесат цела торба со марихуана која ја фрлиле од автомобилот откако забележале полициско возило како ги следи. О.П. (32) и С.С. (30)  потоа се вдале во бегство, но, набрзо се фатени. Пронајдена е и торбата со дрогата, по што двајцата биле приведени и по целосното расветлување на случајот против нив како што најавија од МВР ќе биде поднесена соодветна пријава.

Инцидентот се случил завчера кога полициска патрола на патниот правец Ресен - Битола, кај Ѓавато, го забележала автомобилот "шкода фабија" со ресенски регистарски ознаки во кој биле О.П. и С.С .

При обид на полициските службеници врз возилото и врз лицата да се изврши контрола, С.С. исфрлил една црна патна торба со три поголеми најлонски кеси со непозната растителна материја со нето-маса од околу 1.660 грама.