МВР тврди дека Лирим Јакупи-Нацист се наоѓа во домашен притвор во Косово, а не на Шара
Лажни се информациите дека Лирим Јакупи-Нацист се наоѓа на Шар Планина заедно со 80 вооружени лица, изјавија од Министерството за внатрешни работи на Република Македонија.
„Во соработка со институциите во Косово, добиена е информација дека лицето Лирим Јакупи-Нацист се наоѓа во домашен притвор во Косово“ - се вели во соопштението на МВР.
Некои портали деновиве објавија дека на Шар Планина е забележана вооружена група и дека ја предводи Лирим Јакупи-Нацист. Истите медиуми објавија дека тој му порачал на шефот на државата, Ѓорѓе Иванов дека се распоредени на Шара.
„АРМ наскоро ќе се соочи со нашите борци кои се добро подготвени. 80 борци се распоредени на Шара, и наскоро ќе ги ослободиме териториите на етничките Албанци за да ја прогласиме Република Илирида“- порачува командант Нацист од УЧК.Тој ја предводеше криминално-терористичка група која во тетовското село Бродец беше елиминирана од македонските специјалци, а тој ранет побегна на Косово. Командант Нацист е еден од најбараните терористи и има извршено напади во Косово, побегнал од затворот Дубрава, а побегнал и од Тетово во минатото.
Слично
Поврзани вести
