Министерството за внатрешни работи со официјална верзија го потврди загинувањето на двајцата малолетници чија смрт вчера ја потресе земјата откако загинаа по превртување на трактор.

Едниот тинејџер го управувал тракторот, кој откако се превртел тие паднале во реката Струмица и се удавиле, пишува во полицискиот билтем

Несреќата се случила во 15.15 часот во која трагично згаснаа животите на 15-годишник од село Добрејци и 14- годишник од селото Пиперево кој истовремено го управувал тракторот „ИМТ 539“.

Тие се упатиле кон место викано „Таре“ на реката Струмица за да ловат риби. Во еден момент, тракторот се превртел и паднал во реката, а малолетниците се удавиле.

Извршен бил увид од Јавен обвинител и увидна екипа од СВР Струмица.