МВР: ПРИВЕДЕНО УШТЕ ЕДНО ЛИЦЕ ЗА ИНЦИДЕНТОТ КАЈ СКЕНДЕР БЕГ, си заработи кривична пријава
Министерство за внатерешни работи објави дека е приведено уште едно лице од инцидентот кај плоштадот Скендер бег, за кого е поднесена кривична пријава.
- На 14.07.2022 од страна на Единица за насилен криминал - Одделение за крвни деликти при СВР Скопје лишен е од слобода Р.А. (29) од Скопје. Тој се сомничи дека на 06.07.2022 околу 19.30 часот на бул. Гоце Делчев во Скопје поточно на плоштад Скендер бег, испукал со пиштол. Од страна на полициски службеници од Единицата за насилен криминал извршен е претрес во неговиот дом, пиштолот е одземен, а во координација со Јавен обвинител против Р.А. е поднесена кривична пријава за сторено кривично дело "предизвикување општа опасност" предвидено и казниво по чл.288 од Кривичниот законик. Денеска (15.07.2022) лицето е изведено пред Судија на претходна постапка - пишува во соопштението на МВР.
Слично
Поврзани вести
