Министерството за внатрешни работи информира дека се приведени шест лица за продажба на дрога по вчерашната акција на полицијата на територијата на Прилеп и дека истите ќе бидат предадени на јавен обвинител и изведени пред суд.

- Станува збор за криминална група која се бави продажба на дрога на територијата на Прилеп во акција подготвувана од септември 2020. Обезбедени се докази и приведени се шест лица, а претресени се 16 локации. Одземени се дрога, пари од дрогата, мобилни телефони и возила, рече Тони Ангеловски, портпаролот на МВР.

Тој рече дека ќе има и кривична одговорност за полициски службеници кои биле инволвирани во работата на криминалната група од Прилеп, но дека меѓу нив нема приведени. За истите, исто така, се обезбедени докази за инволвираност.