Засега нема затворање на градинките. 

Состојбата со градинките е под контрола, смирува министерката за труд и социјална политика, Јагода Шахпаска. 

Вели дека од моментот на отворањето на градинките на 9 септември досега  позитивни се вкупно 26 деца и 83 вработени во градинките.

„Како што се одвива епидемиолошката состојба со Ковид во државата и оттука бројката на последниот пресек од минатата недела од 17 до 25 октомври е нови позитивни 9 деца и 40 вработени. Во моментов 482 дечиња и околу 77 возрасни вработени се во изолација“, изјави Шахпаска.

Министерката потврди дека нивната здравствена состојба е добра, а изминатиов период има само една хоспитализација на дете и еден воспитувач. 

Капацитетите на градинките не се исполнети затоа што во согласност со протоколите, има 20.718 места, а само 10.700 деца посетуваат градинка. 

Министерката вели дека родителите ги запишуваат своите деца, но не ги носат во градинка.

За 24 часа во земјава има 247 нови заразени со коронавирусот.