Никола Груевски бара Врховниот суд да го одложи неговото одење во затвор.

Имено, како што пренесе Фокус, одбраната на екс премиерот преку барање до Врховниот суд бара вонредно да се преиспита пресудата за случајот „Тенк“, а воедно поднале и барање за одложување на издржување на затворската казна.

Додека чекаше денеска во судот, Груевски го доби и упатниот акт согласно кој на 8 ми ноември треба да се јави во затворот во Шутка.

Како што се додава, можно е воопшто и да не стапне зад решетки, односно доколку Врховниот суд одлучи да му го одложи издржувањето на казната затвор, додека да донесат одлука по вонредното преиспитување на пресудата.

Првата пресуда екс премиерот за одење во затвор ја доби за случајот со набавката на луксузниот мерцедес.