Последниот исказ обвинетите за крававиот четврток кои не побараа амнестија, денеска ќе го дадат пред Кривичен суд.

Митко Чавков, Игор Дурловски, Јане Ченто, Игор Југ но и Душко Лазаров, Горан Ѓошевски Леви, Митко Пешов, Оливер Поповски, Мунир Пепиќ, Абдуљфета Алими, Никола Митревски Кољо, Младен Додевски, Горанче Ангеловски, Влатко Трајковски и Вилијам Михајловски се лицата кои се гонат за терористичко загрозување на уставниот поредок и денеска обвинителката Вилма Рускоска ќе го слушне нивното излагање во завршните зборови.

На последното рочиште за случајот со 27 април, Рускоска посочи дека ОЈО докажало дека нападот не бил спонтан туку организиран и со умисла а доказите покажале дека целта била да се загрози уставниот поредок.

Дали некој од обвинетите ќе признае вина и ќе прифати одговорност на последните завршни зборови ќе слушнеме денеска.