Фатени двајца возачи зад волна со големо количество на алкохол во крвата, соопштува Министерството за внатрешни работи. 

Станува збор за возачи од Скопје и од село во околината на Радовишко. 

- На 22.11.2025 во 21:40 часот на регионалниот пат 1109, во близина на село Фурка, гевгелиско, полициски службеници од СВР Струмица- ОВР Гевгелија го лишија од слобода С.Т.(64) од Скопје. 

По преземени мерки е утврдено дека под дејство на алкохол управувал патничко возило „опел“ со скопски регистарски ознаки, односно измерени му се 2,35 промили алкохол во крвта - се наведува во соопштението на МВР. 

Исто така додаваат дека во текот на вчерашниот ден е фатен уште еден алкохолизиран возач. 

- Во 23:05 часот во Радовиш, полициски службеници од СВР Струмица- ОВР Радовиш го лишија од слобода С.М.(36) од село Ораовица, радовишко. 

По преземени мерки е утврдено дека под дејство на алкохол управувал патничко возило „пежо“ со струмички регистарски ознаки, односно измерени му се 2,69 промили алкохол во крвта - се посочува во објавата. 

По документирање на случаите, ќе бидат поднесени кривични пријави по член 297-а од Кривичниот законик – „безобзирно управување со моторно возило“.