Крвава пресметка меѓу млади лица во Тетово заврши со тешки повреди за едно нападнато момче од поголема група на насилници.

„Во 04 часот и 30 минути две лица од Тетово, 22-годишниот О.С. и 22-годишниот С.С. во Полициската станица во Тетово пријавиле “насилство“ од 17- годишно момче со иницијали Д.Р. и уште четири други малолетни лица.

Според пријавата, додека двајцата пријавители со уште една девојка околу 02 часот и 15 минути се движеле покрај угостителски објект во Тетово забележале мешаница во која учествувале повеќе лица, меѓу кои бил и нивен познаник, на кого се обиделе да му помогнат бидејќи физички бил нападнат од групата.

Во тој момент групата се нафрлила врз нив со клоци и тупаници, од што О.С. паднал и загубил свест, велат од МВР.

Двајцата нападнати добиле лекарска помош во тетовската болница. Се работи на расчистување на случајот.