МНР ВОСПОСТАВИ КОНТАКТ: Mакедонските државјани на крузерот не се инфицирани
Тројцата македонски членови на екипажот на „Дајмонд Принцес” не се заразени со коронавирусот.
Се работи за двајца мажи и една жена, кои се наоѓаат во добра здравствена состојба, потврдуваат од Министерството за надворешни работи.
Тие се заглавени на закотвениот брод во близина на Јокохама во Јапонија и живеат под режим на епидемиолозите.
На 6 февруари беше потврдено дека македонски државјани има на бродот.
На истиот крузер имаше и српски државјани.
Од коронавирусот починаа 910 луѓе, а инфицирани се над 40.000 луѓе во повеќе земји. Од овој опасен вирус се излечија 3.200 луѓе.
Слично
Поврзани вести
