Од МНР денеска информираа дека засега немаат сознанија за повредени македонски граѓани во земјотресот што ги погоди грчкиот остров Кос и турското крајбрежје, повикувајќи се на официјалните инфомации од надлежните органи од двете земји.

Од институцијата наведуваат дека ниту еден македонски државјанин не се обратил за информација или помош. Македонските дипломатски и конзуларни преставништва во Атина и Анкара, како што наведуваат, активно ја следат состојбата и се во координација со турските и грчките институции. Во земјотресот загинаа две лица, а десетици се повредени.

Земјотрес со јачина од 6,7 степени по Рихтер имаше рано утрово во Егејското море  во близина на популарни грчки и турски туристички дестинации.