Има итна потреба американските власти да тргнат кон намалување на јавниот долг во однос на БДП, бидејќи неговиот раст се заканува и на САД и на глобалната економија до 2032 година, објави Меѓународниот монетарен фонд (ММФ).

- Има итна потреба да се смени континуираниот раст на односот на јавниот долг кон БДП - се наведува во документот.

ММФ истакна дека на среден рок буџетскиот дефицит и јавниот долг во однос на БДП ќе останат значително повисоки од предвидените пред пандемијата.

- Конкретно, според досегашната политика, се очекува јавниот долг постојано да расте и да надмине 140 отсто од БДП до 2032 година - велат од ММФ.

Тие додадоа дека таквите високи буџетски дефицити и долг создаваат „зголемени ризици за американската и глобалната економија“, пренесува Ало.рс.