Митрески: За македонскиот јазик и идентитет ниту имало, ниту има, ниту ќе има преговори
Координаторот на СДСМ, Јован Митрески изјави дека блокадите не се во духот на добрососедството.
Додаде дека за идентитетот не се разговара, а европската иднина нема алтернатива.
„За македонскиот јазик и идентитет ниту имало, ниту има, ниту ќе има преговори. Ако сепак се случи да има блокада од Бугарија ние ќе продолжуваме со реформите, исто така ќе продолжиме да разговараме и бараме решение со силата на аргументите. Нашиот пат е европскиот пат и нашата иднина е во ЕУ. Нема други алтернативи, ние ќе продолжиме да работиме во таа насока постојано“, изјави Митрески.
Додаде дека одложувањето на преговорите е на штета на македонските граѓани.
Бугарската шефица на дипломатијата, Екатерина Захариева потврди дека ќе дадат зелено светло за Албанија, но не е и за Македонија.фото МИА
Слично
Поврзани вести
