Поради сомнежи за примање митко полицијата по наредба на јавен обвинител приведе советник на градоначалникот на Шуто Оризари Курто Дудуш од редовите на СДСМ. 

„Надлежен јавен обвинител донесе Наредба за спроведување истражна постапка против едно лице за сторено кривично дело Примање награда за противзаконито влијание од член 359 од Кривичниот законик.

Осомничениот како вработен во општината Шуто Oризари на 27 јануари во службените простории на општината примил претходно договорена награда во висина од 1000 евра. Наградата осомничениот ја договорил и примил за, искористувајќи го своето влијание, да изврши посредување во вршење на службено дејствие кое не би требало да се изврши. Имено, тој ги побарал средствата за да се донесе Решение за утврдување правен статус на бесправно изграден објект.

Ценејќи дека се исполнети законските основи, јавниот обвинител кој постапува во предметот до Судија на претходна постапка од Основниот суд Скопје 1 Скопје достави Предлог за определување мерка притвор. Предлогот на обвинителството беше прифатен, па со Решение на осомничениот му е изречен притвор во траење од триесет дена.“, се вели во соопштението на Основното јавно обвинителство Скопје.