Kандидатот за градоначалник на Кавадарци од ВМРО-ДПМНЕ, Митко Јанчев вети изградба на адреналински парк, формирање на спортско катче, и туристички воз како атракција за најмладите. 

Тој зборуваше за четири проекти од изборната програма, за подобар живот на кавадарчани. Јанчев меѓу другото, зборуваше и за целосна реконструкција на градскиот базен.

„Во соработка со основните и средните училишта, учениците ќе можат бесплатно да ги користат содржините на градскиот базен“, вели Јанчев. 

Тој најави и проект за мини голф терени. Јанчев имаше средба со дел од уметниците во градот. Додава дека во изборната програма има голем број на проекти за развој на културата во Кавадарци.