Градоначалникот на Кавадарци, Митко Јанчев,добил вербални закани додека бил во угостителски објект, по што лицето било лишено од слобода.

Како што објави МВР, уапсен е кавадарчанец кој му се заканувал на градоначалникот. оваа информација денеска ја потврдија од МВР за МИА. Заканите биле упатени во угостителски објект.

– Синоќа во 23.35 часот во Кавадарци, полициски службеници од Полициската станица Кавадарци го лишиле од слобода П.Н.(35) од Кавадарци, затоа што агресивно се однесувал кон М.Ј.(43) од Кавадарци и му упатил закани. Тој е задржан во полициска станица и по целосно документирање на случајот против него ќе биде поднесена соодветна пријава, е официјалната информација од СВР Велес.