Балканската земја треба да го надмине францускиот скептицизам за да ги почне преговорите за членство во Европската Унија, пишува Политико. 

Северна Македонија веќе го промени своето име. Сега се обидува да го промени размислувањето. 

Балканската земја, заедно со соседна Албанија, има за цел да добие зелено светло овој месец за да ги почне преговорите за членство во ЕУ. Втора година по ред, Европската комисија препорача почеток на преговори за двете земји. Но, владите на земјите-членки на ЕУ ќе ја донесат одлуката, која ќе открие многу за тоа како ја гледаат иднината на Унијата и нејзините односи со Западен Балкан.

За да го добијат тоа, Скопје и Тирана мора да убедат едно лице - францускиот претседател Емануел Макрон.

Франција беше прва во блокирањето на почетокот на преговорите за двете земји пред една година и француските официјални претставници продолжија да изразуваат скепса, посочувајќи дека Северна Македонија и Албанија се слаби во областа на демократијата и владеењето на правото и дека ЕУ мора да се реформира пред да размислува за проширувањето .

Тврдата линија на Франција оваа година особено ја вознемирува Северна Македонија, земја со околу 2 милиони луѓе, која си го промени името, со договорот за решавање на деценискиот спор со Грција, која го блокираше нејзиниот пат кон членство во ЕУ и НАТО.

„Франција сé уште не одлучи дали да го поддржи почетокот на преговорите за членство во ЕУ за Северна Македонија или Албанија“, вели официјален претставник на Елисејската Палата. 

За да се спротивстави на францускиот скептицизам, Скопје се обидува да се жали на ентузијазмот на Макрон за европскиот проект. Во интервјуто за Политико во Брисел, министерот за надворешни работи на Северна Македонија, Никола Димитров, рече дека блокирањето на разговорите за членство нема да се вклопува во желбата на францускиот претседател да ја води и унапреди Европската Унија.

фото Политико