Министерството за социјална политика,демографија и млади ги објави препораките за справување со топлотниот бран кој ја зафати земјата и најавата за уште повисоки летни температури во наредниот период.

„Ве информираме дека, поради најави за екстремно високи температури, кои надминуваат над 35 °C на целата територија на државата, во периодот од среда – 10.07.2024 година, до петок – 12.07.2024 година, се препорачува најранливите групи население односно хронично болните, бремените жени и лицата на возраст над 60 години, да одат на работа со скратено работно време, почнувајќи од 07.30 часот до 12.00 часот, а во установите за згрижување на децата (градинки) да не се практикува физичка активност и да не се изнесуваат децата на отворено во периодот од 11 до 17 часот.“,гласи препораката на министерството.