Министерството за одбрана на Република Македонија во однос на информациите кои за набавка на алкохол во износ од околу 80 илјади евра тврдат дека се работи за алкохол на потребите на рестораните во Домот на АРМ, кампот „Свети Наум“ и Попова Шапка. 

Во реакцијата до нашиот медиум оттаму појаснуваат дека оваа набавка е за 2017 година и не претставува нешто ново, туку е континуитет на снабдување на рестораните на овие локации.

„Во таа насока, мораме да напоменеме дека со тоа што потребите на делегации, свечености и слично кои се дел од работата на Министерството и АРМ, се сервисираат од овие угостителски објекти, не се одлеваат средства и се прават огромни заштеди во буџетот на МО. Дополнително, со продажбата на овие алкохолни пијалоци во рестораните кои се отворени за сите граѓани на Република Македонија, Министерството за одбрана остварува и приход“, појаснуваат од Министерството.