Министерот за внатрешни работи Оливер Спасовски доцна вечерта го посети повредениот полицаец кој беше на работна задача на вчерашните протести на ВМРО-ДПМНЕ кои блокираа дел од граничниот премин Табановце. 

Повредениот полицаец е сместен во општата болница во Куманово, па министерот Спасовски и началникот на СВР Куманово Стојанче Величковиќ му посакаа побрзо да закрепне.

Вчера дојде до инцидент откако групата на демонстранти на опозициската ВМРО-ДПМНЕ започна турканици со полициските службеници кои беа ангажирани да го обезбедуваат просторот пред граничниот премин Табановце. 

Еден од демонстрантите кој нападна полицаец е приведен. Се очекува од ВМРО-ДПМНЕ да протестираат пред Кумановскиот суд против приведувањето на нивни активист.