Горан Минчев,министерот за јавна администрација, ја поздрави времената одлука на Уставен суд за непримена на контроверзниот „Балансер“ за етничко вработување и пред медиумите рече дека укинувањето веќе се спроведува во пракса.

- Ако ме прашате за мој личен став, Балансерот кој се стопира со времената мерка на една од тие одредби, како дигитална алатка во минатото беше предмет на злоупотреби и во тој контекст, ја поздравувам одлуката на Уставен суд,рече министерот.

Запрашан дали ќе има законско решение кое ќе го замени „Балансерот“, тој рече дека во овој момент не може да знае.

- Би ја сочекале конечната одлука на Уставен суд и во зависност од тоа каква ќе биде,ние би пристапиле кон ново законско решение кое што патем морам да кажам дека е уставна категорија, наведе Минчев.

Тој ги осуди и повиците за протест и дестабилизација поради временото суспендирање на „Балансерот“ како времена мерка.