Милошоски донесе макета на Димитров во Собранието
Пратеникот oд ВМРО-ДПМНЕ, Антонио Милошоски на Твитер објави фотографија на која е до вицепремиерот за европски прашања, Никола Димитров. Но, Димитров не се појави на собраниската Комисија за надворешна политика. Станува збор за макета.
„Лабаво во Собрание со вицепремиерот Димитров.#СликаИмаТонНема“, пишува Милошоски.
ВМРО-ДПМНЕ бара во Собранието да се дискутира за односите со Бугарија.Собранието во секоја членка на ЕУ секогаш е место за демократска расправа меѓу министрите и пратениците, за најважните национални прашања, велат од ВМРО-ДПМНЕ.
„Цениме дека е крајно неодговорно отсуството на вицепремиерот Димитров и министерот за надворешни, Бујар Османи, на денешната Комисија за надворешна политика“, рече Милошоски.
Сепак, немаше расправа за македонско-бугарските односи и ризикот од блокада на македонските евроинтеграции. На Комисијата за надворешна политика не присуствуваше власта, а од пленарната седница си замина и најголемата опозициска партија. По ова седницата е прекината.
Слично
Поврзани вести
