Милков: На неопределено време го повлекуваме амбасадорот од Скопје, а преговорите на Македонија со ЕУ ги замрзнуваме
Бугарскиот министер за надворешни работи, Николај Милков вечерва изјави дека Бугарија ги замрзнува преговорите со ЕУ за евроинтеграција на Македонија.
Вели дека на неопределено го повлекува бугарскиот амбасадор Ангел Ангелов од Скопје поради според Милков „вознемирувачката состојба во однос на правата на Бугарите таму и ескалацијата на злосторствата и настаните од омраза во последните месеци.“„Македонија во овој случај, за да продолжи по својот европски пат, мора да ги почитува преземените обврски во рамките на европскиот предлог. Нема потреба Бугарија да прави ништо, туку да обезбеди почитување на обврските што Македонија ги презеде. Во самиот предлог нема рокови, тие може да не ги исполнат обврските со децении, што значи дека нема да почнат преговори.“ , вели Милков.
Слично
Поврзани вести
