Хрватскиот претседател Зоран Милановиќ се надева дека со промената на власта во Бугарија, ќе и се даде шанса на Македонија да ги почне преговорите со ЕУ. 

Тој рече дека на  Македонија не треба и да се поставуваат невозможни услови, кои влегуваат во интимниот простор на нацијата. 

„И околу Западен Балкан, и околу Северна Македонија и Албанија, јас многу јасно кажав пред еден или два месеца, кога е во прашање Северна Македонија, но сега некои работи се изменети. Имаше избори во Бугарија, се надевам дека тоа ќе ја олесни ситуацијата и дека на младиот, новиот и малку економски послабиот кандидат, Северна Македонија, нема да и се прават проблеми и да и се поставуваат услови кои се невозможни, односно кои влегуваат во интимниот простор на нацијата“, додаде Милановиќ.

Претседателот на Словенија, Борут Пахор вели дека е потребен компромис прифатлив за Македонија и Бугарија.