Џамбаски тврди дека тие сакаат во учебниците да има вистина. Вели дека се работи за уште една антибугарска кампања и намерна провокација.  Рече дека токму хрватскиот претседател се меша во внатрешните работи на Бугарија. 

„И јас сум огорчен од фактот дека една членка на ЕУ ја напаѓа друга и зазема силно страна во спор во кој не е вклучен“, напиша Џамбаски.

Милановиќ вчера во текот на одржувањето на состанокот во рамките на процесот Брдо-Бриони кај Крањ рече дека не се сите земји на исто ниво во текот на преговорите за пристапување во ЕУ, а за Северна Македонија рече дека е во „невозможна позиција“. Тој рече дека станува збор за некои услови кои Бугарија и ги поставува на Северна Македонија во поодминатата фаза од европскиот пат. Засега нема напредок во преговорите меѓу Македонија и Бугарија. Бугарија нема намера да го тргне ветото за почеток на преговори.