Претседателот на ВМРО-ДПМНЕ, Христијан Мицкоски, вели дека со нон-пејперот на Франција, патот до членство во Европската Унија станува уште подолг. Вели дека со нон-пејперот се покажува дека премиерот Зоран Заев ја извртувал вистината за тоа до каде се домашните реформи.

„Очигледно е дека нашите партнери од Европската Унија констатирале дека постојат двојни стандарди во сите овие земји-аспиранти кои сакаат да станат членки на Европската Унија, па велат – доколку отворите една група на поглавја, еве јас така би ги групирал, вие кога ќе ги затворите ќе треба да генерирате и понатаму вредности за тоа што сте ги затвориле. Доколку тие видат дека само формално ги затворате, а всушност не се придржувате на тоа што е договорено постои можност повторно да се навратите на таа група поглавја и тоа може да прерасне во една приказна којашто ќе нема крај“, рече Мицкоски.

И пратеникот Антонио Милошоски смета дека со овој нон пејпер, ќе треба да поминат 10 до 15 години до членство во ЕУ, откако ќе почнат преговорите.