Премиерот Христијан Мицкоски денеска изјави дека на провокациите на бугарскиот министер за надворешни работи Георг Георгиев не треба да им се обрнува внимание затоа што Георгиев „одработува“ и според него, тој што го раководи во позадина му дал задача „да се закача“, како кога „глушецот го задева лавот“.

„Тоа момче е пратено да привлече мое внимание. Мислам дека не треба да му дадеме можност. Апелирам и до вас медиумите, оставете го. Тоа е Влада која во позадина друг ја раководи. Тие луѓе треба да одработат. Му рекле, му дале задача „ајде сега закачај се“, тоа е исто како кога глушецот го задева лавот“, кажа Мицкоски.

Министерот за надворешни работи на Бугарија во интервју за БТВ се пофали дека неговата држава станала фактор во ЕУ и во регионот, со став дека Македонија тоа треба да го има предвид. Зборувајќи за премиерот Мицкоски, го нарече „северномакедонски“.

фото Фејсбук/Христијан Мицкоски