Мицкоски вели дека ако Данела не се извини директорите ќе ја тужат за клевета
Претседателот на ВМРО-ДПМНЕ, Христијан Мицкоски изјави дека доколку скопската градоначалничка Данела Арсовска не се извини, директорите ќе покренат кривична пријава за клевета.
Вели дека како што знае, тие ги повикале Антикорупциската комисија, Обвинителството и истражните органи да направат ревизија на нивното работење и да излезат со став во јавноста.
„Ако не се извини Данела Арсовска, колку што разбрав од нивните статуси и соопштенија, тие ќе покренат кривична пријава за клевета и нарушување на угледот“, рече Мицкоски.
Тој кажа дека се разочарани од Арсовска и дека она што беше ветено не е исполнето, и затоа си го кажале ставот. Арсовска деновиве размени остри зборови со Мицкоски, но и со директорите на јавните претпријатија, кадри на ВМРО-ДПМНЕ, кои ја напуштија. Таа го разреши директорот на ЈП„Водовод и канализација“, Златко Перински. Арсовска во емисијата „Студио 10“ на ТВ24 рече дека од вчера во јавното претпријатие ЈП „Водовод и канализација“ - Скопје се врши проверка на работата од страна на Управата за финансика полиција и Основноот јавно обвинителство за организиран криминал и корупција.
Слично
Поврзани вести
