Лидерот на најголемата опозициска партија Христијан Мицкоски се сретна со српскиот претседател Александар Вучиќ во Белград по завршувањето на средбите на состанокот на Европската народна партија. 

Мицкоски наведе дека средбата е во рамки на двајца претседатели од две сестрински партии - ВМРО-ДПМНЕ и СНС и се разговарало за нивна соработка.

„Имав можност во Белград да остварам средба со претседателот на Република Србија и претседател на СНС, Александар Вучиќ. Разговаравме за состојбите во регионот, можностите за соработка кои стојат на располагање. Воедно стана збор и за соработката помеѓу двете сестрински партии и искористување на потенцијалите на тој план. Република Македонија треба да гради отворена, рамномерна добрососедска политика базирана врз принципи и искрени вредности“, напиша Мицкоски на својот профил на Фејсбук.

Не се споменува дали имало некаков разговор помеѓу партиските лидери и за денешното потпишување на пристапниот Протокол за влез на Македонија во НАТО.