Премиерот Христијан Мицкоски во вечерашното гостување во емисијата „360 Степени“ на МТВ го повика СДСМ да го пријави во Обвинителство случајот со Дигитал Оне, фирма основана минатата година а која со двајца вработени доби тендер од Владата за софтверски лиценци во рамковен договор од 8 милиони евра.

- СДСМ да достави докази до Обвинителството, нивните инсталации кои се уште постојат во Обвинителството може да реагираат, а ние како Влада им стоиме на располагање, рече Мицкоски.

Тој побара извинување од СДСМ и додаде дека по прес-конференцијата на партијата се распрашал за тендерот.

- Јас не сум запоознаен со тој счучај, не ги следам јавните набавки, не ме интересираат за да ги следам, немам браќа бизнисмени. Нормално, по пресот се запрашав и се заинтересирав и апсолутно добив одговор дека се е по Закон и не гледам никаква незаконитост. Имало случаи и кога компании добивале тендерски постапки без вработени, рече премиерот.