Премиерот Христијан Мицкоски денеска од Брисел порача дека ултиматуми не прифаќа. 

Мицкоски, кој е во посета на Брисел, во изјава за медиумите по денешните средби со новиот комесар за проширување Марта Кос и со новиот претседател на Европскиот совет, Антонио Кошта, изјави дека Владата останува фокусирана на реформите и дека е подготвена да разговара за она што е принципиелно за државата и граѓаните, но дека ултиматуми не прифаќа.

„И на двете средби во исклучително пријателска, и би рекол срдечна и конструктивна атмосфера разговараме за сето она што ние досега го имаме поминато како предизвик во минатото, за сето она кое што ние требаше и се откажавме во името на европските вредности, но истовремено ги реафирмиравме нашите ставови дека ултиматуми не прифаќаме, дека сме подготвени да разговараме и подготвени сме да разговараме онолку колку што е потребно за да најдеме начин како да го отвориме првиот кластер, брзо да го поминеме тој процес на преговори и да станеме земја членка во Европската Унија“, изјави Мицкоски.