Од работа се бркаат луѓе кои гласно зборуваат против мафијата на власт, изјави првиот човек на ВМРО-ДПМНЕ, Христијан Мицкоски вечерва на протестот организиран од партијата. 

Спомена примери за реваншизам и бара меѓународната заедница да реагира. 

„Денеска можете да сретнете татко на три деца кој останал без работа само затоа што одбил да излезе и да гласа за СДСМ на последните предвремени парламентарни избори. Самохрана мајка е оставена без единствените приходи и избркана од работа само затоа што одбила да биде дел од структурите на СДСМ и да земе членска книшка. Преместен на работно место од Скопје во Кичево на ископ на јаглен, за да сам си замине од работа затоа што гласно рекол дека Заев е криминалец. Го дале на дисциплинска одговорност само затоа што бил забележан во спотовите на ВМРО-ДПМНЕ за изминативе избори“, вели Мицкоски.