Премиерот Христијан Мицкоски објави дека во рамки на Безбедносната конференција во Минхен ќе оствари средба со претседателот на Украина, Володимир Зеленски. Средби се предвидени и со Ричард Гренел, дипломатот кој е долгогодишен советник за надворешна политика на претседателот на САД, Доналад Трамп. Премиерот ќе има состанок и со претставник на „Голдман Сакс“.

„Денот го продолжуваме со други средби и други состаноци. Една од тие средби ќе биде и средба со претседателот на Украина, Зеленски, потоа амбасадорот Гренел, исто така и претставникот на финансиската групација „Голдман Сакс“.

Следете не продолжуваме со убави вести, продолжуваме со пријатни изненадувања за македонските граѓани и за Македонија.“ соопшти Мицкоски.

Премиерот остварил средба и со премиерот на Холандија, Дик Схоф, со кого било разговарано по три точки.

„Првата се наоѓаме во истата конституенца заедно со Холандија во Светска банка и Меѓународниот монетарен фонд. Под два тоа се холандските инвестиции во Македонија, но и соработката со мултинационалната компанија „Филипс“, и можноста за соработка во здравствениот сектор. И трета тема којашто ја разговаравме евроинтегративните процеси на Македонија во рамките на Европската Унија“, објави тој