Премиерот Христијан Мицкоски вели дека ДУИ на владина седница во 2023 година усвоиле стратегија за реформи во јавната администрација, која вели дека ќе има бришење на „балансерот“. 

Мицкоски рече дека ДУИ во опозиција го демантира ДУИ на власт.

„Сега кое ДУИ ја зборува вистината? Тоа кое што жонглира по канцеларии и гласа вакви реформи во јавната администрација каде што се брише „балансерот“ или ова ДУИ во опозиција кое што грчевито се обидува на национална тема да мобилизира луѓе и да направи протести по можност насилни и да ја дестабилизира Македонија со една цел да ги заштити парите коишто ги имаат натрупано овие 20 и неколку години додека беа дел од власта“, рече премиерот. 

фото Фејсбук/Христијан Мицкоски