Од вкупниот број предложени 570 имиња за преименување на улици, плоштади и мостови во Скопје, 102 имиња се имиња на истакнати албански личности, кои дале огромен придонес во различни сфери на општеството, почнувајќи од националните прашања, во литературата, спорт, култура, политика и песна. 

Предлози во изборот на некои одобрени албански имиња дал Институтот за духовно и културно наследство на Албанците.

Дел од оваа листа се имињата на албанската ренесанса како, Константин Кристофориди и Наим Фрашери, името на албанскиот архитект во Османлиската империја - Синан Мимар, а тука се и Имер Призрени, Авни Рустеми, Неџат Аголи, активисти на националната кауза како Адем Демачи и Ибрахим Ругова, но и писатели, поети, новинари, спортисти, уметници и пејачи како Дритеро Аголи, Фатос Арапи, Сефер Муслиу, Адем Микуловци, Агрон Бериша и Ментаз Алајбегу.

На седницата на Советот на град Скопје вчера со 26 гласа „за“, 14 „против“ и 2 воздржани беше одобрена Одлуката да се даде зелено светло за комплетирање на Списокот со имиња на улици и плоштади.