Mегаломанските проекти во Охрид се стопирани. Ова го потврди премиерот Заев од собраниската говорница каде одговара на прашањата од пратениците.

Заев кажа дека мораториум за проектите има и дека ќе се придржуваат до тоа, согласно препораките на УНЕСКИ,  а не по волја на локалната и централната власт.

„Во разговори со Европската банка за обнова и развој штом ќе завршат сите еколошки студии и аспекти, согласно потребите на Комитетот на УНЕСКО тогаш ќе бидат и продолжени. Железничката пруга Кичево-Лин исто така ќе биде целосно согласно укажувањата на УНЕСКО. Политиките на локалната и на централната власт се дека мегаломанството во градењето на Охрид е стопирано“, посочи Заев. 

Тој дека секој инвеститор што сака да гради во Охрид и има мегаломански апетити тоа нема да биде одобрено.