Илија Митрев сопственик на гевгелискиот ресторан „Крим“ денеска им се обрати на надлежните од пред ресторанот кој пред неколку дена бил казнет со казна од 7.000 евра. Причина за санкцијата е контрола во која се покажало дека неколкумина гости имаат лажни сертификати. Пред ресторанот беа насобрани педестина луѓе кои дадоа поддршка. Сопственикот е револтиран и вели дека оваа кзна ќе му го затвори бизнисот.

„Две години се боревме да преживееме. Две години не можеме два денара да извадиме. Позајмици правам да платиме струја, плати. Ова е катастрофа. Дали сум јас или некој друг, вака не бива. Јас не сум убиец. Идат гости, во време кога има 100,000 лажни сертификати, кога економијата е нула, ова ни го прават, знаете ли колку пара е седум илјади евра?, изјави сопственикот Ице на собирот на граѓани пред неговиот ресторан кои дојдоа да му изразат поддршка против неправедната одлука на гевгелиската инспекција“, рече Митрев.

Поддршка дадоа и насобраните. Велат дека станува збор за бирократија и дека кафулињата нема како да проверуваат дали сертификатите се лажни. Освен „Крим“ затворени били и други гевгелиски оибјекти. Засилени полициски акции синоќа имаше и во Кочани и во Кавадарци. Секаде се фаќаат граѓани со лажирани сертификати.