Бојан Маричиќ, министерот за правда, во синоќешното гостување во емисијата „Објектив“ на МТВ, рече дека премиерот Зоран Заев следната недела ќе оди во Брсиел каде ќе се сретне со претставници на Европската унија, а на средбите меѓудругото ќе стане збор и за спорот со Бугарија.

Министерот во емисијата рече дека со Бугарија треба да се најде одржливо решение за деблокада на Македонија на патот кон полноправно членство во ЕУ кое нема да задира во националниот идентитет.

Од останбатаото,  Маричиќ спомена дека извештаите на Европската комисија, Стејт Департментот, како и „Фридм Хаус“, Греко и повеќе други меѓународни организации и тела, покажуваат дека реформите во правосудството конечно ги даваат резултатите во однос на владеењето на правото.