Самоил Малчески вечерва во Само вистина на Канал 5 изјави дека како човек кој се борел за право и правда не може да прифати Договор кој е спротивен на Устав. 

Денот на референдумот рече дека е одговор на македонскиот народ. 

„Како ќе ја пеете химната, денес над Северна Македонија се раѓа? И ќе добиете дипломатска нота дека ширите иредентизам“, вели Малчески. 

Смета дека терминот „Македонија“, нема да смее да се употребува никаде. 

„Моите дедовци се Илинденци и секогаш ќе се борам да бидам Македонец“, рече тој. 

Вели дека по дифолт ќе бидеме Северномакедонци, а АСНОМ се сквернави. 

Малчески рече дека Македонија има многу обврски, а Грците имаат само една која не се знае дали ќе ја исполнат.