Лидерот на ЗНАМ, Максим Димитриевски, се закани дека неговата партија ќе го напушти владеачкото мнозинство доколку ВРЕДИ посебните координации на своите министри ги одржува со албанско знаме.

- Доколку се повтори вицепремиерот Изет Меџити да свика координација со министрите на ВРЕДИ во Владата, а на која ќе има албанско знаме, Движењето ЗНАМ – За наша Македонија ќе ја напушти владејачката коалиција – порача лидерот на ЗНАМ, Максим Димитриевски на подкастот на Канал 5.

Првиот вицепремиер и министер за животна средина Изет Меџити пред неколку дена одржа прва посебна координација со министрите за здравство, европски прашања, економија, добро владеење, труд, демографија и млади, кои се избрани на предлог на коалицијата „Влен“.

Ваквиот тип на координација, како што се посочуваше во соопштението, ќе се прошири и со замениците министри и другите избрани и именувани кадри на ВЛЕН во извршната власт.