Градоначалникот на Куманово, Максим Димитриевски се заблагодари на сите кумановци кои гласале за него.

Според 80 отсто обработени податоци во нивниот аналитички центар, тој води во однос на сите 6 кандидати за градоначалник на Куманово. 

„Колку имаат останатите 6 кандидати, толку имам јас со поддршка на ВМРО-ДПМНЕ. Не знам дали ќе има втор круг или не, но како и да е, граѓаните препознаваат континуитет и развој“, рече Димитриевски. 

Додаде дека има најголем број советници, а зад ЗНАМ се ВМРО-ДПМНЕ. Димитриевски кажа дека тие ќе имаат и мнозинство во советот. 

Го прашаа и за песната која за него ја пееја неговите сограѓани, на што тој рече дека е горд и дека тоа е доказ колку се креативни кумановци и дека видеото станало вирално. 

фото Фејсбук/Максим Димитриевски