Од пријавените македонски државјани за гласање на претседателските избори во дипломатско конзуларните пртставништа (ДКП) во Европа засега најголема активност има од нашинците во Прага, соопшти ДИК, 

Излезноста таму е 23,4 отсто, а најниска е евидентирана во Истанбул - 3,57 проценти, соопшти портпаролката на ДИК, Љупка Гугуческа.

Во Будимпешта е 18,75 проценти, во Брисел 18,37, во Загреб 16,67. Излезноста во ДКП-ата до 18:30 часот по локално време во Канбера е 38 отсто додека во Мелбурн 57,58 проценти. 

Според временската зона, гласачките места во САД и Канада ќе бидат отворени во 19 часот.

Гугуческа информира дека денешното гласање во затворите се одвива не пречено и до 10 часот правото на глас го искористиле 22 проценти.

-Во 13 КПУ право на глас имаат 1.640 лица. Сите места се отворени на време и гласањето тече без никакви проблеми, истакна Гугуческа.

Прв пат за претседателските избори се гласа и во два старечки дома, и притоа 71 лица имаат право да искажат својата поддршка.