Телекомуникацискиот оператор Македонски Телеком АД Скопје ги потврди отповикувањата на мандатите на претходниот состав на Одборот на директори и на Собранието на акционери исто така ги потврди мандатите на новите членови на Одборот на директори. 

Во Одборот на директори на Македонски Телеком АД Скопје потврдено е отповикувањето на Панче Кралев, Жарко Луковски, Небојша Стајковиќ, лександар Стојков и Владимир Здравев како неизвршни или независни членови на Одборот на директори со што исто така им престануваат и сите досегашни функции. 

Од денеска,13 октомври 2017, како нови членови на Одборот на директори на Македонски Телеком АД Скопје назначени и одобрени од Собранието на акционери се Горан Трајановски за Неизвршен член, Сашо Велески за Неизвршен член, Анета Симеска Димоска за Неизвршен член, потоа Замир Мемети кој е Неизвршен Независен член на одборот и Дивна Јовковска - Ефтимоска за Независен Неизвршен член на Одборот на директори на Друштвото. 

Собранието на Друштвото го ре-избира Назим Буши за Неизвршен член на Одборот на директори на Друштвото, со мандат почнувајќи од 13.10.2017 година. 

Потврдени се оставките на Сузане Крогман и Михаел Франк, државјани на Република Германија од позициите Независен, односно Неизвршен член на Одборот на директори на друштвото.

Мандатот на избраните членови на Одборот на директори на Друштвото изнесува 4 години.